Parole ed emozioni  di Rosario Ruggiero

Signora Matematica  

Riapertura delle scuole, insegnanti alle cattedre ed un esercito di giovani dietro i banchi impegnati nello sforzo di un progresso formativo tecnico, ma soprattutto umano. Per loro nuove amicizie, nuove esperienze, talvolta nuove discipline, sicuramente tanti precetti da acquisire, insegnamenti che in gran parte resteranno indelebilmente impressi nella mente, non di rado nel profondo dell’animo, preziosi nella vita, incancellabili dal cuore, momenti che, poi, per gli adulti, diverranno rievocativi di tante atmosfere, aspirazioni, sogni, illusioni, gioie, rimpianti e, quando sposati a sensibilità lirica, generatori di nostalgica, rammaricata poesia.

Signora Matematica  

Signora Matematica, v’ ’o giuro!

Nun v’aggio maje pututo suppurtà!

Nemica site assaje d’ ’a fantasia.

L’unica amica vosta ’a rialtà.

Assaie severa, guaje so’ pe’ chi sbaglia

maje perdunate, comme se pô fà ?!

Si quaccuno cu ’e nùmmere se ’mbroglia,

pe’ spasso ’o facite cchiù ’mbruglià.

I’ po’ na studentessa ’ntelligente,

cu vvuje addeventavo deficiente,

pe’ n’esercizio ne mettevo tiempo:

pigliavo tre comme si fosse niente.

Era na lotta  cu vvuje ma tutt’ ’e juorne,

senza sparagno avevo ’a faticà;

e si pigliavo cinche quacche ghiuorno,

nun sapevo qua’ santo ringrazià.

’Sta lotta accumminciaje all’elementare

cu ’a divisione… chi se pô scurdà…

n’agliuttette mammà veleno amaro

pe’ m’ ’a fa j’ ’ncapa, a’ m’ ’a fà ’mparà.

Cchiù tarde e che nce fuie cu ll’equazione!

Cu ’e binome, che disperazione!

’E logaritme? Senza crianza

sule si ’e ppenzo che dulure ’e panza!!

’E ll’anne… comm’ ’o viento so’ vulate…

ma è ’o libro vuosto ca vaco a sfuglià.

’Sti pàggene d’ ’e llacreme macchiate…

d’ ’a studentessa  ’e tant’ ’anne fa.

Signora Matematica, ’o ccredite?

Cu’ tutt’ ’o core l’aggi’ a cunfessà:

vuje me mancate! Quanto? Nun ’o ssapite!

Ma comme vurria turnà a m’appiccecà!