All’Osservatorio, a Capemonte,

uommene cu ’e cerevèlla fine

hanno truvato na stella ‘ncielo

ch’è na cosa rara.

‘Sti sciènziate

già s’o’ tant’anne ca se fanno onore.

E mò io penso, pe’ cchi sà, nu juòrno,

c’’a bonasciorte, uno ‘e ‘sti Signure

farrà na botta ovèro eccezziunale:

truvarrà na terra senza ’uèrra,

na terra

addò l’ammore è veramente ammore,

addò ‘e mamme nun accidono ‘e figlie,

addò ‘e figlie nun accidono a mamma, ‘o pate.

Na terra

addò l’uommene vanno cu ‘e femmene

e nun ‘ncujetano ‘e guagliune,

‘e guagliuncelle, ‘e criature.

Na terra

addò l’amico nun è tradetore,

addò ‘e denare nun fanno perdere ‘o scuòrno,

addò ‘a legge coglie a tutte quante.

Na terra

senza ‘ndrangheta, mafia, camorra,

addò chi cummanna sape cummannà

e ‘o fanno cummannà.

Na terra

addò’a Madonna è ‘a mamma ‘e Dio

e nun serve sulamènte pe fa’ sòrde

e pe’ jastemmà. 
 

GLI SCIENZIATI – All’Osservatorio di Capodimonte,/uomini con il cervello fino/hanno trovato una stella in cielo/certamente rara./Questi scienziati/già da molti anni si fanno onore./Ed ora, io penso chissà un giorno,/ con un po’ di fortuna, uno di questi Signori farà un colpo veramente eccezionale:/scoprirà una terra senza guerra/ dove l’amore è veramente amore,/dove le mamme non uccidono i figli,/dove i figli non uccidono la mamma, il padre./Una terra dove gli uomini vanno con le donne/ e non inquietano i ragazzi,/le ragazzine, i bambini./Una terra/dove l’amico non è traditore,/ dove i soldi non fanno perdere la vergogna,/dove la legge è uguale per tutti./Una terra/senza ‘ndrangheta, mafia e camorra,/dove chi comanda sa comandare/e lo lasciano comandare./Una terra/dove la Madonna è la madre di Dio/e non serve soltanto per fare soldi e per bestemmiare. 

CARMELO PITTARI-Via Confalone,40 a/bis-80136 NAPOLI-T & Fax 081/544.19.69-